Yurtimizda pandemiya munosabati bilan cheklovlar davom etayotgan bo‘lsa-da, fuqarolarimizning chet tillari bo‘yicha milliy sertifikat olish tartibi, shakl va usullari haqidagi axborot va ma’lumotlarga qiziqishlari oshib bormoqda.

Fuqarolarimizning bilimga intilishlarini rag‘batlantirish maqsadida Davlat test markazining Chet tilini bilish va egallash darajasini baholash boshqarmasi tomonidan chet (ingliz, nemis, fransuz) tillaridan milliy sertifikat olish uchun sinovlardan qanday o‘tish to‘g‘risida vebinar muloqotlar tashkil etishni davom ettiradi.

Navbatdagi shunday vebinar muloqotni 30-aprel kuni soat 15:00 da "Ingliz tili B2 darajasi imtihonidan muvaffaqiyatli o‘tish bo‘yicha maslahatlar" mavzuida tashkil etish belgilandi.

Unda Siz “Ingliz tilini B2 darajasida bilishingizni qanday aniqlash mumkin?”, “Buni qanday qilib muvaffaqiyatli tarzda amalga oshirish mumkin?” kabi savollarga javob topasiz va sinovni "a’lo darajada" topshirishingiz uchun tayyorgarlikning batafsil tahliliga hamda samarali tavsiyalarga ega bo‘lasiz.

Vebinar muloqotda https://us02web.zoom.us/j/85032683125 havolasini bosish orqali ishtirok eting. Faol bo‘ling va bilimingizni muntazam oshirib boring.  

O‘zingizni asrang. Yaqinlaringizning salomatligiga befarq bo‘lmang. #Uyda qoling. Biz hamisha Siz bilanmiz!

Davlat test markazi matbuot xizmati