Aldınǵı shet el tájiriybesi hám zamanagóy texnologiyalardı úyreniw hám de ámeliyatqa en jaydırıw, sonday-aq, xalıqaralıq imtixan sistemaların respublikamızda engiziw maqsetinde Mámleketlik test orayı tárepinen xalıqaralıq shólkemler menen birge islesiw jolǵa qoyılmaqta.

Usınday shólkemlerden biri AQShtıń Educational Testing Service (ETS) bolıp, ol 1947-jılda shólkemlestirilgen hám test sorawların dúziw onı ótkeriw boyınsha dúnyadaǵı eń iri mekemelerden esaplanadı. Ol hár jılı 50 millionnan zıyat talabanlar ushın test sınaqların shólkemlestiredi hám ótkeredi.

2020-jıl 16-iyulde Mámleketlik test orayı hám Educational Testing Service (ETS) shólkemi ortasında TOEFL ITP, TOEIC, TOEFL IBT imtixanların birgelikte ótkeriw haqqında kelisimge qol qoyılǵan.

Házirgi waqıtta ETS shólkemi tárepinen inglis tili oqıtıwshıları ushın bir qatar vebinarlar jolǵa qoyılmaqta.

Bul vebinarlar TOEFL YSS, TOEFL ITP hám  TOEIC testleri haqqında kóbirek maǵlıwmat alıwǵa, olarǵa tayarlıq kóriwge hám de metodologiya boyınsha oqıtıwshılardı qollap-quwatlawǵa baǵdarlanǵan.

Dáslepki vebinar 22-yanvar kúni Tashkent waqtı menen 16:00 de ótkeriledi.

Dizimnen ótiw ushın ssılka: http://workshops2021.etspoland.org/.

Bul rubrikada vebinar sáneleri hám baslanıw waqıtları da keltirilgen.

Mámleketlik test orayı xabar xızmeti