Bizge belgili bolǵanınday, shet tili imtixanlarında talabanlardıń shet tilin biliw dárejesi 4 kónlikpe (tıńlap túsiniw, oqıw, jazıw, sóylew) boyınsha bahalanadı.

Búgingi kúnge shekem barlıq tiller boyınsha sóylew kónlikpesin bahalaw imtixanları arnawlı dástúr arqalı elektron túrde ekspert penen júzbe-júz sóylesken halda ótkerilip kelingen edi.

Bunnan bılay bul imtixan inglis tili boyınsha elektron túrde ótkeriledi. Bunda talabanlarǵa dástúr arqalı tapsırmalar berilip, talabannıń juwabı audio formasında jazıp alınadı hám audio ekspertler tárepinen bahalanadı.

Sóylew kónlikpesin bahalaw imtixanları ótkeriletuǵın dástúr test.dtm.uz saytına jaylastırılǵan bolıp, talabanlar usı sayt arqalı ózlerin sınaw ushın imtixan tapsırıp kóriwleri hám process boyınsha tolıq túsinikke iye bolıwı múmkin.