Ma’lumki, chet tili imtihonlarida talabgorlarning chet tilini bilish darajasi 4 ta ko‘nikma (tinglab tushunish, o‘qish, yozish, gapirish) bo‘yicha baholanadi.
Hozirga qadar barcha tillar bo‘yicha gapirish ko‘nikmasini baholash imtihonlari maxsus dastur orqali elektron tarzda ekspert bilan yuzma-yuz gaplashgan holda o‘tkazib kelinayotgan edi.
Endilikda mazkur imtihon ingliz tili bo‘yicha to‘liq elektron shaklda o‘tkaziladi. Bunda talabgorga dastur orqali topshiriqlar berilib, talabgorning javobi audio shaklida yozib olinadi hamda yozib olingan audiolar ekspertlar tomonidan baholanadi.
Gapirish ko‘nikmasini baholash imtihonlari o‘tkaziladigan dastur test.dtm.uz saytiga joylashtirilgan bo‘lib, talabgorlar mazkur sayt orqali sinov tariqasida imtihon topshirishlari va jarayon bo‘yicha to‘liq tushunchaga ega bo‘lishlari mumkin.
Davlat test markazi axborot xizmati
Imtiyozga ega abituriyentlar va umumiy qabul parametrlari doirasida o‘tish ballari