2022-yil 9-dekabr kuni Davlat test markazida O‘zbekiston Respublikasi Konstitutsiyasi qabul qilinganining 30 yilligi va Xalqaro inson huquqlari kuniga bag‘ishlangan “Inson huquqlari himoyasi – taraqqiyot garovi” mavzusida ma’naviy-ma’rifiy tadbir bo‘lib o‘tdi.

Unda O‘zbekiston Respublikasi Oila va xotin-qizlar davlat qo‘mitasi raisi o‘rinbosari Ra’no Eshovna Turdiboyeva ishtirok etib, Konstitutsiyaning jamiyat va xalq hayotidagi o‘rni, unda xotin-qizlar va erkaklar uchun teng huquq va imkoniyatlar kafolatlari to‘g‘risida ma’lumot berdi.

Shuningdek, ma’ruzachi gender tenglik masalalari, xotin-qizlarni tazyiq va zo‘ravonliklardan himoya qilish haqida o‘z fikrlarini bildirdi.

Davlat test markazi matbuot xizmati