“Ipak yo‘li” turizm xalqaro universitetida ta’lim jarayoni ingliz tilida olib borilishini inobatga olgan holda, O‘zbekiston Respublikasi Turizmni rivojlantirish davlat qo‘mitasi murojaatiga asosan “Ipak yo‘li” turizm xalqaro universitetining bakalavriatiga abituriyentlarni oshirilgan to‘lov-kontrakt asosida o‘qishga qabul qilish uchun abituriyentlarning chet tilini bilish darajasini aniqlash test sinovlari tashkil etiladi.

Test sinovlari 2020-yil 12-13-noyabr kunlari Davlat test markazi tomonidan o‘tkaziladi.

Bunda

• test sinovlarining yozma (tinglab tushunish, o‘qish, leksik va grammatik kompetensiyalar, yozma ish) qismi 12-noyabr kuni;
• gapirish ko‘nikmasini baholash imtihonlari 13-noyabr kuni bo‘lib o‘tadi.

Test sinovlari “Ipak yo‘li” turizm xalqaro universiteti binosida o‘tkaziladi.

Davlat test markazi matbuot xizmati