2020-yil 12-13-noyabr kunlari “Ipak yo‘li” turizm xalqaro universitetining bakalavriat ta’lim yo‘nalishlariga abituriyentlarni oshirilgan to‘lov-kontrakt asosida o‘qishga qabul qilish uchun abituriyentlarning chet tilini bilish darajasini aniqlash test sinovlari bo‘lib o‘tdi.

Test sinovlari “Ipak yo‘li” turizm xalqaro universiteti binosida Davlat test markazi tomonidan o‘tkazildi.

Jarayon sanitariya-gigiyena talablariga rioya qilingan holda tashkil etildi hamda hududga kirish joylarida abituriyentlarning tana harorati o‘lchanib, har bir abituriyent tibbiy niqob va qo‘lqop bilan ta’minlandi.

Test sinovlarining yozma (tinglab tushunish, o‘qish, leksik va grammatik kompetensiyalar, yozma ish) qismi 12-noyabr kuni, gapirish ko‘nikmasini baholash imtihonlari 13-noyabr kuni bo‘lib o‘tdi.

Davlat test markazi matbuot xizmati