2021-yil 9- va 12-yanvar kunlari informatika va axborot texnologiyalarini chuqurlashtirib o‘qitishga ixtisoslashtirilgan tayanch maktablarga o‘quvchilar qabuli uchun test sinovlari o‘tkazildi.
Test sinovlari 9-yanvar kuni Sirdaryo, Samarqand va Toshkent viloyatlarida 7-sinfga qabul uchun, 12-yanvar kuni Qoraqalpog‘iston Respublikasi, Andijon, Namangan, Buxoro, Navoiy, Xorazm, Qashqadaryo, Surxondaryo, Jizzax, Samarqand va Toshkent viloyatlarida 5-sinfga qabul uchun bo‘lib o‘tdi.
Bunda o‘quvchilar matematika (20 ta) hamda ona tili va adabiyot (10 ta) fanlaridan test sinovlarini topshirdi.
Test sinovlarida jami ishtirok etishi belgilangan 1 692 nafar talabgordan 1 491 nafari ishtirok etdi.
Ishtirokchilarning test materiallari tekshirilgandan so‘ng, natijalar Xalq ta’limi vazirligiga taqdim etiladi.
Davlat test markazi matbuot xizmati
Imtiyozga ega abituriyentlar va umumiy qabul parametrlari doirasida o‘tish ballari