2023-2024-o‘quv yili uchun Ixtisoslashtirilgan taʼlim muassasalari agentligi tizimidagi ta’lim muassasalariga o‘qishga kirish uchun hujjatlar qabuli 10-iyundan 30-iyunga qadar ariza.piima.uz sayti orqali onlayn shaklda amalga oshiriladi.

Talab etiladigan hujjatlar:

• tug‘ilganlik to‘g‘risidagi guvohnoma;
• fotosurat (so‘nggi 2 oyda olingan);
• baholar tabeli nusxasi (direktor tomonidan tasdiqlangan).

Shuningdek, ro‘yxatdan o‘tishda talabgorning ota-onasi yoki uning o‘rnini bosuvchi shaxsning pasport ma’lumotlari va telefon raqamlari (doimiy ishlab turgan) aniq va bexato kiritilishi lozim.

Ixtisoslashtirilgan taʼlim muassasalari agentligi tizimidagi ta’lim muassasalariga qabul quyidagi sinflar uchun amalga oshiriladi:

1. 14 ta Prezident maktabiga — 5-sinf uchun;
2. 9 ta ijod maktabiga — 7- sinf uchun;
3. 166 ta ixtisoslashtirilgan maktab va maktab-internatining:

• aniq fanlar yo‘nalishiga — 5-sinf uchun;
• tabiiy fanlar yo‘nalishiga — 7-sinf uchun.

Prezident maktablariga o‘qishga kirish uchun talabgorning baholar tabelidagi matematika va tabiatshunoslik fanlaridan 4-sinfdagi yillik baholari “5” (a’lo) bo‘lishi lozim.

Murojaatlar uchun koll-markaz raqami: 1206.