2022-yil 12-oktabr kuni Davlat test markazi jamoatchilik kengashining navbatdagi yig‘ilishi bo‘lib o‘tdi. Tadbir kun tartibiga ko‘ra jamoatchilik kengashi tarkibiga o‘zgartirish kiritish to‘g‘risida masala ko‘rilib, tegishli o‘zgartirishlar kiritildi.

Shuningdek, kun tartibiga kiritilgan 2022-2023-o‘quv yili uchun davlat oliy ta’lim muassasalarining bakalavriat ta’lim yo‘nalishlariga kirish test sinovlari yakunlari hamda Markaz faoliyati to‘g‘risida tezkor va batafsil axborot olishning yangi, zamonaviy shakllarini joriy etish, xabar va e’lonlarning jozibadorligini oshirish, Axborot xizmatining 2022-yil 9 oylik faoliyati yuzasidan hisobotlar tinglandi va muhokama qilindi.

Kengash a’zolari  ushbu masalalarga oid yutuq va kamchiliklarni ko‘rsatib o‘tgan holda muammoli holatlarning oldini olish, yuzaga kelganlarini bartaraf etish samaradorligini oshirish, jamoatchilik kengashi a’zolarini Davlat test markazi tomonidan o‘tkaziladigan ommaviy tadbirlarda ishtirok etishini ta’minlash bo‘yicha o‘z fikr-mulohazalarini bildirdilar va takliflarini taqdim etdilar.

Yig‘ilish davomida vakolatga daxldor dolzarb masalalarni mukammal o‘rganish maqsadida jamoatchilik ichiga kirib borgan holda faoliyat sur’ati va natijadorligini yuksaltirish vazifalari belgilab olindi.

Ko‘rib chiqilgan masalalar bo‘yicha kengash a’zolari tomonidan berilgan takliflar va fikr-mulohazalar e’tiborga olinib, tavsiyaviy xarakterdagi muhim qarorlar qabul qilindi.

Davlat test markazi axborot xizmati