Davlat test markazining Jizzax viloyati bo‘limi xodimlari tomonidan 1-bosqichda rejalashtirilgan o‘quv seminar mashg‘ulotlari o‘tkazib bo‘lindi. Oliy ta’lim muassasalariga bilimlilarni saralashda adolatlilik, shaffoflikning ustuvorligini ta’minlash, O‘zbekiston Respublikasi Prezidenti va Vazirlar Mahkamasi qarorlari mazmun-mohiyatini keng jamoatchilikka tushuntirish maqsadida 2020-yil 13-yanvardan 24-yanvargacha bo‘lgan muddatda viloyatdagi barcha tuman (shahar) lar xalq ta’limi bo‘limi mudirlari, umumta’lim maktablari direktorlari, umumta’lim maktablarining bitiruvchi sinf o‘quvchilari va mahalla faollari uchun o‘quv seminarlari o‘tkazildi.

O‘tkazilgan uchurashuvlar ochiq muloqot tarzida bo‘lib o‘tdi. Uchrashuvlarda jami 2300 nafardan ortiq xalq ta’limi bo‘limi mudirlari, umumta’lim maktablari direktorlari, umumta’lim maktablarining bitiruvchi sinf o‘quvchilari va mahalla faollari ishtirok etdilar.

Uchrashuvlarda qatnashchilarga hozirgi kunda xalq ta’limi muassasalari faoliyatini tubdan isloh qilish bo‘yicha amalga oshirilayotgan ishlar, Davlat test markazi tomonidan amalga oshirilayotgan o‘zgarishlar va joriy etilayotgan yangiliklar, ta’lim yo‘nalishlariga mos test sinovi topshiriladigan fanlar majmuasi, test topshiriqlari soni hamda baholash mezonlari haqida, diognostik test sinovlari to‘g‘risida to‘liq tushunchalar berildi.

O‘quv-seminar mashg‘ulotlarining 2-bosqichi fevral oyida boshlanadi.

Davlat test markazining matbuot markazi