2021-yilda sayyor qabullar o‘tkazish rejasiga muvofiq Davlat test markazi rahbariyati ishtirokida joylarda sayyor qabullar bo‘lib o‘tmoqda.

Navbatdagi sayyor qabullar Davlat test markazi direktori o‘rinbosari Radjabov Sardor Baxtiyorovich tomonidan Qoraqalpog‘iston Respbulikasi va Xorazm viloyatida tashkil etildi.

2021-yil 14-15-dekabr kunlari O‘zbekiston Respublikasi Prezidentining Qoraqalpog‘iston Respublikasidagi xalq qabulxonasida va Xorazm viloyatidagi xalq qabulxonasi, shuningdek, Xo‘jayli tumanida 1 ta maktabda va Gurlan tumanida 3 ta maktabda tashkil etilgan sayyor qabullar ochiq muloqot tarzida o‘tkazilib, mahalla vakillari, bitiruvchi yoshlar, maktab o‘qituvchilari, ota-onalar, viloyat xalq ta’limi boshqarmalari va ta’lim muassasalari rahbarlari ishtirok etdilar.

Qabullar davomida hududlarda fuqarolar, ota-onalar, bitiruvchi sinf o‘quvchilari bilan uchrashuvlar tashkil etildi, muammolar va takliflar joyida o‘rganildi va o‘z yechimini topdi, shuningdek, sohada amalga oshirilayotgan islohotlar va yangiliklar bilan tanishtirib o‘tildi.

Davlat test markazi matbuot xizmati