Ma’lumki alohida iqtidor talab etiladigan ta’lim yo‘nalishlariga kirishda mutaxassislik fanlaridan kasbiy (ijodiy) imtihonlar o‘tkaziladi.

Shuningdek, mutaxassislik fanlarining bittasidan kasbiy (ijodiy) imtihon o‘tkaziladigan ta’lim yo‘nalishlari ham mavjud (misol uchun, jurnalistika yo‘nalishlari).

Bunda kasbiy (ijodiy) imtihonlar oliy ta’lim muassasalari tomonidan o‘tkaziladi va imtihonlarning qachon, qayerda o‘tkazilishi oliy ta’lim muassasalari tomonidan e’lon qilinadi.

Shu sababli fanlar majmuasida kasbiy (ijodiy) imtihon mavjud bo‘lgan abituriyentlar ro‘yxatdan o‘tishda tanlagan oliy ta’lim muassasasi bilan bog‘langan holda yoki OTMning rasmiy sahifalari orqali kasbiy (ijodiy) imtihonlar bo‘yicha ma’lumotlarni olishlari mumkin.

Kasbiy (ijodiy) imtihonlarda Davlat test markazi ishtirok etmaydi va kasbiy (ijodiy) imtihonlar uchun ruxsatnomalar Davlat test markazi tomonidan shakllantirilmaydi (6 ta OTMga kirishdagi chet tilidan kasbiy (ijodiy) imtihonlar bundan mustasno).

Test sinovlari uchun ruxsatnomalar esa yaqin kunlarda my.dtm.uz saytida e’lon qilinadi.

Davlat test markazi axborot xizmati