Kiberxavfsizlikka oid seminar-trening o‘tkazildi

04-04-2024 | 3099

Bilim va malakalarni baholash agentligida 2024-yil 4-aprel kuni “O‘zbekiston — 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi”da belgilangan vazifalar doirasida Agentlik xodimlari, jumladan, yosh xodimlar uchun seminar-trening tashkil etildi.

Seminar-treningda kiberxavfsizlik, kiberjinoyatchilik va kiberfiribgarlik masalalari muhokama qilindi. Unda “Kiberxavfsizlik markazi” mutaxassisi A.Valiulin ishtirok etib, agentlik xodimlariga kiberxavfsizlik sohasida amalga oshirilayotgan ishlar, yangiliklar haqida ma’lumot berdi. Shuningdek, bugun tobora raqamlashib borayotgan dunyoda kiberfiribgarlardan ehtiyot bo‘lishda nimalarga e’tibor qaratish borasida tavsiyalarini keltirib o‘tdi.

Tadbir so‘ngida xodimlar o‘zlarini qiziqtirgan savollarga javob olishdi.