2021-yil 11-12-may kunlari ilk bor kimyo va biologiya fanlaridan milliy sertifikatlash imtihonlari o‘tkazilgan edi.

Mazkur imtihon natijalari Davlat test markazining my.dtm.uz saytida e’lon qilindi.

Test sinovida ishtirok etgan talabgorlar o‘z natijalari bilan my.dtm.uz sayti orqali shaxsiy kabinetida tanishishlari mumkin.

Test sinovi natijasi bo‘yicha eng yuqori ballning kamida 60 foizini to‘plagan shaxslarga 3 yil muddatga sertifikat beriladi.

Test sinovidan muvaffaqiyatli o‘tgan talabgorlar o‘z sertifikatlarini shaxsiy kabinetlari orqali elektron shaklda yuklab olishlari mumkin.

Mazkur sertifikatga ega bo‘lgan abituriyentlarga sertifikatdagi o‘zlashtirish foiziga mos ravishda oliy ta’lim muassasasiga kirish test sinovlarida ushbu fandan belgilangan maksimal ballga nisbatan tabaqalashtirilgan (proporsional) ball beriladi.

Eslatib o‘tamiz, natijasidan norozi bo‘lgan talabgorlar, 5 ish kuni mobaynida apellatsiya arizalarini berishlari mumkin.

Davlat test markazi matbuot xizmati