Jámiyetshilikke belgili, 2020-jıl 12-oktyabrde Ministrler Kabinetiniń “Ulıwma bilimlendiriw pánlerin biliw dárejesin bahalawdıń milliy test sistemasın engiziw haqqında” 646-sanlı qararı qabıllanǵan bolıp, basqıshpa-basqısh ulıwma bilimlendiriw pánlerinen milliy test sisteması engizilmekte.

Dáslep, ana tili hám ádebiyat jáne matematika pánlerinen milliy test sisteması engizilip, 2021-jıl 13,14-aprel kúnleri milliy sertifikatlastırıw imtixanları ótkeriledi.

Házirde ximiya hám biologiya pánlerinen milliy test sistemasın engiziw boyınsha Xalıq bilimlendiriw ministrligi hám Bilim sapasın qadaǵalaw mámleketlik inspekciyası menen birgelikte tiyisli jumıslar ámelge asırılıp kelinbekte.

Atap aytsaq, ximiya hám biologiya pánleri specifikaciyası islep shıǵılıp, Mámleketlik test orayınıń rásmiy veb-saytında járiyalandı hám usı specifikatsiyalar tiykarında test tapsırmaları qáliplestirilip, aprobaciyadan ótkeriw ushın úlgi test variantları tayarlandı.

Búgin 22-aprel kúni bul test tapsırmaları aprobaciyadan ótkerildi.

Aprobaciya test sınaqları Qaraqalpaqstan Respublikası, wálayatlar hám Tashkent qalasında shólkemlestirilip, onda 500 ge jaqın talaban qatnastı.

Davlat test markazi matbuot xizmati