Mámleketlik test orayınıń “Shet tilin biliw hám iyelew dárejesin bahalaw basqarması” xızmetkerleri tárepinen shet tilin biliw hám iyelew dárejesin anıqlaw sistemasınıń kóp dárejeli test formatı islep shıǵılǵan bolıp, 2020-jıl 14-dekabr kúni respublikamızdaǵı belgili bilimlendiriw mekemelerinde iskerlik etip atırǵan shet tili páni qánigeleri qatnasıwında talqılanǵan edi.
2021-jıl 8-yanvar kúni Tashkent qalasındaǵı shet tillerdi úyretiwshi oqıw oraylarında kóp dárejeli test formatı joybarınıń dáslepki aprobaciyası ótkerildi.
Aprobaciya isleri yanvar ayınıń aqırına shekem mámleketlik emes shólkemler hám shet tiline qánigelestirilgen akademiyalıq liceyler menen birgelikte dawam ettiriledi.
Mámleketlik test orayı xabar xızmeti
