2023-yil 7-dekabr kuni Bilimni baholash agentligida “Konstitutsiya — xalqchil davlat, barqaror taraqqiyot va farovon hayot asosi” mavzusida huquqiy-ma’rifiy tadbir tashkil etildi.

Tadbir O‘zbekiston Respublikasi Konstitutsiyasining 31 yilligi va Xalqaro korrupsiyaga qarshi kurashish kuniga bag‘ishlandi.

Tadbirda O‘zbekiston Respublikasi Oliy Majlisi Qonunchilik palatasi deputati F.Sharipov va Toshkent davlat yuridik universiteti o‘qituvchisi E.Rahmatov o‘z ma’ruzalari bilan ishtirok etdi.

Tadbirni Bilimni baholash agentligi direktori M.Karimov ochib berib, barchani O‘zbekiston Respublikasi Konstitutsiyasi qabul qilinganligining 31 yilligi bilan tabrikladi.

Shundan so‘ng, so‘zga chiqqan Oliy Majlisi Qonunchilik palatasi deputati F.Sharipov yangi tahrirdagi O‘zbekiston Respublikasi Konstitutsiyasining mazmun-mohiyati, undagi o‘zgarishlarning xalqimiz farovonligidagi o‘rni haqida o‘z fikrlarini bildirdi.

Toshkent davlat yuridik universiteti o‘qituvchisi E.Rahmatov esa O‘zbekiston Respublikasi Konstitutsiyasi inson huquqlari va erkinliklarining asosiy kafolati ekanligini ta’kidlab, fuqarolarning ijtimoiy muhofazasi, ijtimoiy davlat tushunchasi va ta’limning uzluksizligi borasida taqdimot qildi.