Mamlakatimizda koronavirusning tarqalishini oldini olish bo‘yicha chora-tadbirlar amalga oshirilayotgan, unga qarshi kurashda tavsiyalar berilayotgan shu kunlarda ma’lumotlar oqimi va hajmi keskin ko‘paydi. Bu ma’lum daraja saralash, tanlov, to‘g‘ri tanlashda ba’zi qiyinchiliklarni keltirib chiqarmoqda. Ba’zi tayinsiz manbada joylashtirilgan xato ma’lumotlar ham uchramoqda, ular jamoatchilikning sog‘lom fikrlashiga ta’sir etadi, balki vahima uyg‘otishga ham sabab bo‘lishi mumkin.

Shularni hisobga olib, Sog‘liqni saqlash vazirligi,  Axborot va ommaviy kommunikatsiyalar agentligi, O‘zbekiston Yoshlar ittifoqi hamda Milliy mass-mediani qo‘llab-quvvatlash va rivojlantirish fondi hamkorligida tashkil etilgan eng ishonchli manba faqat va faqat @koronavirusinfouz hamda @UzReport maxsus telegram kanallari orqali koronavirus pandemiyasi, uning oldini olish yuzasidan olib borilayotgan muhim va dolzarb ishlar bo‘yicha haqqoniy hamda eng so‘nggi axborot, ma’lumot, tavsiyalar bilan tanishib borish mumkinligini eslatib o‘tamiz. Ushbu manba boshqa manbalarda berilgan ishonchli ma’lumotlarni o‘zida jam etadi.

Shu o‘rinda @koronavirusinfouz va @UzReport telegram kanallarida eng asosiy ma’lumot va tavsiyalarni o‘zida aks ettirgan ayrim infografikalarni keltirib o‘tamiz.

O‘zingizni, yaqinlaringizni asrang. Tavsiya etilgan tartiblarga rioya qiling.

Elimizning birligi, yakdilligini sinovdan o‘tkazayotgan bu ofatni ham albatta birgalikda yengamiz.

Davlat test markazi matbuot xizmati