2021-yil 18-mart kuni Davlat test markazida O‘zbekiston Respublikasi Korrupsiyaga qarshi kurashish agentligi bilan hamkorlikda “Korrupsiya – adolat va jamiyat kushandasi” mavzusida davra suhbati tashkil etildi.

Unda Korrupsiyaga qarshi kurashish agentligi vakili Obidjon Latipov O‘zbekiston Respublikasida korrupsiyaning oldini olish va unga qarshi kurashish siyosati, Korrupsiyaga qarshi kurashish agentligining hozirgi faoliyati va yaqin kelajakdagi vazifalari, korrupsiyaga qarshi «komplayens-nazorat» tizimi va korrupsiyani oldini olish borasida amalga oshirilayotgan ishlar to‘g‘risidagi taqdimoti bilan ishtirok etdi.

Davlat test markazi bosh boshqarma boshlig‘i Farhod Mirzayev esa korrupsiyaning davlatga va jamiyatga ta’siri haqida fikr yuritib, Davlat test markazida korrupsiyaga qarshi kurashish va uning oldini olish bo‘yicha olib borilayotgan ishlar to‘g‘risida ma’lumot berdi.

Shundan so‘ng, davra suhbati savol-javob tarzida davom ettirilib, ishtirokchilar o‘zlarini qiziqtirgan savollariga batafsil javob oldi.

Davlat test markazi matbuot xizmati