2022-yil 1-aprel kuni Davlat test markazida “Korrupsiya-taraqqiyot kushandasi” mavzusida navbatdagi seminar va ochiq muloqot o‘tkazildi.

Unda O‘zbekiston Respublikasi Korrupsiyaga qarshi kurashish agentligi mas’ul xodimi Bekzod Rahmonov hamda Davlat test markazi rahbariyati va jamoasi ishtirok etdi.

Tadbir doirasida sohaga oid O‘zbekiston Respublikasi Qonunlari, O‘zbekiston Respublikasi Prezidentining qaror va farmonlarida belgilangan dolzarb vazifalarning amalga oshirilish holati, qilinishi kerak bo‘lgan ishlar va ularning huquqiy asoslarini yaratish kabi global muammoga qarshi kurashning amaliy harakatlari to‘g‘risida batafsil tushuncha berildi.

Jumladan, ochiq muloqotda ishtirokchilar korrupsiyaviy jinoyatlar sodir etgan shaxslar reyestrini yuritilishi, korrupsiyaviy jinoyatlarga jazo choralari, davlat xizmatchilari daromadlarini deklaratsiyalash, manfaatlar to‘qnashuvi bo‘yicha savollariga to‘liq va asoslangan javoblarni oldilar.

Shuningdek, misollar asosida korrupsiya belgilari, tasnifi, uning oldini olishda eng muhim qurol – bu faoliyatning to‘la ochiqligi, shaffoflik va adolatni ta’minlash hamda bu sohada yakdil kurash har bir fuqaroning burchi ekanligi aytib o‘tildi.

Davlat test markazi matbuot xizmati