Ma'lumki, fevral oyi xalqimiz tarixida alohida bir o‘ringa ega. Ushbu oyda o‘zbek xalqining, butun turkiy xalqlarning faxri bo‘lgan ikki buyuk siymo - hazrat Mir Alisher Navoiy va Zahiriddin Muhammad Bobur tug‘ilgan.

Bilimni baholash agentligida   bobolarimiz tavallud kunlari munosabati bilan ma'naviy-ma'rifiy tadbir o‘tkazildi. Unda O‘zbekiston xalq shoiri Usmon Azim hamda shoir Dadaxon Muhammadiyev ishtirok etdi. Adabiy suhbat shaklida tahkil etilgan ushbu tadbirda Usmon Azim agentlik jamoasiga hazrat Navoiy haqida ibratli voqealarni gapirib berdi. Boburning vatan sog‘inchi haqida o‘z fikrlarini bildirdi. Alisher Navoiyga bag‘ishlangan yangi she'rini ishtirokchilarga o‘qib berdi. Shoir D.Muhammadiyev ham buyuklar to‘g‘risida o‘z qarashlari bilan o‘rtoqlashdi. She'laridan namunalar o‘qidi.

O‘tkazilgan ma'rifiy tadbirdan barcha ishtirokchilar ma'naviy ozuqa olishdi va yana bir bor bobolar hayoti va ijodi to‘g‘risidagi bilimlarini boyitishdi.