Ma’lumki, O‘zbekiston Respublikasi Prezidentining 2021-yil 22-iyundagi PQ-5157-son qarori bilan 2021-2022-o‘quv yili qabulida davlat oliy ta’lim muassasalarining magistratura (klinik ordinatura) mutaxassisliklariga o‘qishga qabul qilish ikki bosqichda amalga oshiriladi. Bunda:
2021-yil 8-iyul kuni Yoshlarni qo‘llab-quvvatlash telegram kanalida magistraturaga kirish bo‘yicha o‘tkazilgan ovozli chatda mutaxassislik fanlari bo‘yicha imtihonlarning test savollari Davlat test markazidan chiqib ketgani haqida fikr bildirilgan.
Qayd etish kerakki, 2021-yilda bo‘lib o‘tadigan magistraturaga kirish imtihonlarining birinchi bosqichi, ya’ni, mutaxassislik fani bo‘yicha imtihonlar Davlat test markazi tomonidan o‘tkazilmaydi va mutaxassislik fanidan test topshiriqlari Davlat test markazi tomonidan tuzilmaydi. Umuman olganda bu jarayonda Davlat test markazi ishtirok etmaydi.
Faqatgina ikkinchi bosqich imtihonlari, ya’ni, chet tili bo‘yicha imtihonlar 2021-yilda Davlat test markazi tomonidan o‘tkaziladi.
Hozirga qadar esa magistraturaga kirish imtihonlarining biror bosqichi (chet tili imtihoni ham) Davlat test markazi tomonidan o‘tkazilmagan (Toshkent davlat yuridik universitetining magistraturasiga kirish imtihonlaridan tashqari) va Davlat test markazi magistraturaga qabul jarayonlarining biror bosqichida ishtirok etmagan.
Davlat test markazi barcha ommaviy axborot vositalari, blogerlar va kanal administratorlaridan Davlat test markaziga oid ma’lumotlarni berishda Davlat test markaziga murojaat qilishlarini va ularga aniqlik kiritib olishlarini so‘raydi va ular bilan hamkorlik qilishga tayyor ekanligini ma’lum qiladi.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat