Mámleketlik test orayı tárepinen barlıq test tapsırıwshılar ushın májbúriy úsh pán – ana tili (qaraqalpaq, ózbek yaki rus tili), matematika hám Ózbekstan tariyxı pánleri boyınsha úlgi test tapsırmalarınıń aprobaciyası ótkerildi.

Aprobaciya procesi 22-oktyabr kúni Tashkent qalasındaǵı 10 bilimlendiriw mekemesinde rus tilinde, Tashkent wálayatında 5 bilimlendiriw mekemesinde ózbek tilinde ótkerilgen edi.

24-oktyabr kúni Qaraqalpaqstan Respublikası, Samarqand, Buxara, Jizzax hám Namangan wálayatlarında da ótkerildi.

Aprobaciya

• Qaraqalpaqstan Respublikasında 12 bilimlendiriw mekemesinde qaraqalpaq hám rus tillerinde;
• Samarqand wálayatında 8 bilimlendiriw mekemesinde ózbek hám rus tillerinde;
• Buxara wálayatında 8 bilimlendiriw mekemesinde ózbek hám rus tillerinde;
• Jizzax wálayatında 8 bilimlendiriw mekemesinde ózbek tilinde;
• Namangan wálayatında 8 bilimlendiriw mekemesinde ózbek hám rus tillerinde

bolıp ótti.

Sonday-aq, aprobaciya dawamında oqıwshılarǵa Ózbekstan Respublikası Prezidentiniń 2019-jıl 14-maydaǵı PQ-4319-san “Joqarı bilimlendiriw mekemelerine test sınawları arqalı qabıllaw sistemasın jetilistiriw boyınsha qosımsha is-ilajlar haqqında”ǵı qararı hám de 2020/2021 oqıw jılı ushın joqarı bilimlendiriw mekemelerine qabıllaw test sınawlarındaǵı ózgerisler boyınsha maǵlıwmatlar berildi.

Mámleketlik test orayı xabar xızmeti