Davlat test markazi tomonidan barcha test topshiruvchilar uchun majburiy uchta fan — ona tili (o‘zbek, rus yoki qoraqalpoq tili), matematika va O‘zbekiston tarixi fanlari bo‘yicha namunaviy test topshiriqlarining aprobatsiyasi o‘tkazildi.

Aprobatsiya jarayoni 22-oktabr kuni Toshkent shahridagi 10 ta ta'lim muassasasida rus tilida, Toshkent viloyatida 5 ta ta’lim muassasasida o’zbek tilida o'tkazilgan edi.

Mazkur jarayon 24-oktabr kuni Qoraqalpog’iston Respublikasi, Samarqand, Buxoro, Jizzax va Namangan viloyatlarida ham o’tkazildi.

Aprobatsiya

• Qoraqalpog'iston Respublikasida 12 ta ta'lim muassasasida qoraqalpoq va rus tillarida;
• Samarqand viloyatida 8 ta ta'lim muassasasida o'zbek va rus tillarida;
• Buxoro viloyatida 8 ta ta'lim muassasasida o'zbek va rus tillarida;
• Jizzax viloyatida 8 ta ta'lim muassasasida o'zbek tilida;
• Namangan viloyatida 8 ta ta'lim muassasasida o'zbek va rus tillarida

bo'lib o'tdi.

Shuningdek, probatsiya davomida o'quvchilarga O‘zbekiston Respublikasi Prezidentining 2019-yil 14-maydagi PQ-4319-son “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi qarori hamda 2020/2021 o'quv yili uchun oliy ta'lim muassasalariga qabul test sinovlaridagi o'zgarishlar bo'yicha ma'lumotlar berildi.

Davlat test markazi matbuot xizmati