2019-jılı 30-oktyabr kúni Mámleketlik test orayında barlıq test tapsırıwshılar ushın májbúriy úsh pán – ana tili (ózbek, qaraqalpaq, rus tili), matematika hám Ózbekstan tariyxı pánleri boyınsha test tapsırmalarınıń aprobaciyası ótkeriledi.

Aprobaciyada qatnasıwdı qálewshi talabanlar http://3fan.dtm.uz/ saytı arqalı dizimnen ótip, onda qatnasıwına boladı.

Abrobaciyada qatnasıwshılar sanı sheklengen bolıp, jámi 600 arza qabıllaw jobalastırılǵan. Olardan 1-smena ushın dizimnen ótken 300 qatnasıwshı 30-oktyabr kúni saat 10:00 de, 2-smena ushın dizimnen ótken 300 qatnasıwshı saat 15:00 de aprobaciya testlerin orınlaydı.

Dizimnen ótkende talabanlarǵa aprobaciyada qatnasıw waqtı jazılǵan ruxsatnama beriledi.

Talabanlar usı ruxsatnama hám shaxstı tastıyıqlawshı hújjet – pasport penen belgilengen waqıttan 30 minut aldın (1-smenada 09:30 ǵa shekem, 2-smenada 14:30 ǵa shekem) Tashkent qalasındaǵı Mámleketlik test orayı bas binasına keliwi kerek.

Dizimnen ótiw hám aprobaciya procesinde qatnasıw biypul.

Mámleketlik test orayı xabar xızmeti