Mámleketlik test orayı májbúriy pánler boyınsha test tapsırmalarınıń aprobaciyasın ótkeriwdi dawam ettirmekte.

Endilikte talabanlar Mámleketlik test orayınıń rásmiy veb-saytı arqalı májbúriy pánler boyınsha test tapsırmaları úlgilerin alıwı hám aprobaciyada qatnasıp, óz bilimlerin sınap kóriwine boladı.

Bunıń ushın http://aprobatsiya.dtm.uz/ saytı arqalı dizimnen ótiledi.

Dizimnen ótiw júdá ápiwayı bolıp, talabanlar óziniń jeke maǵlıwmatları menen birge, test tapsırıw tili hám variantlardan birin tańlawı hám de tastıyıqlaw kodın kiritiwi talap etiledi.

Talabanlarǵa ana tili (ózbek, rus yaki qaraqalpaq tili), matematika hám Ózbekstan tariyxı pánleriniń hárbirinen 15, jámi 45 test tapsırması hám 1 saat waqıt beriledi.

Test tapsırmaların orınlap, kerekli juwaplar belgilengennen soń “Test sınawın juwmaqlaw” túymesi basılǵanda talabanǵa qaysı pánnen neshe durıs juwap tapqanı kórsetiledi.

Saytqa ózbek, rus hám qaraqalpaq tilleriniń hárbirinen 2 varianttan jaylastırılǵan.

Onlayn aprobaciya 10 kún dawam etedi, yaǵnıy http://aprobatsiya.dtm.uz/ saytı 1-noyabrden 10-noyabrge shekem ashıq boladı hám talabanlar internet arqalı qálegen jerden usı saytqa kirip, test sorawları menen tanısıwı hám óz bilimin sınap kóriwine boladı.

Mámleketlik test orayı barlıq talabanlarǵa sát tileydi!

Mámleketlik test orayı xabar xızmeti