O‘zbekiston Respublikasi Prezidenti Sh.Mirziyoyev rahbarligida 2019-yil 23-avgustda yoshlarni vatanparvarlik ruhida tarbiyalash va jamiyatda o‘qituvchilarning mavqeini oshirish masalasiga bag‘ishlab o‘tkazilgan videoselektor yig‘ilishida berilgan vazifalar ijrosini ta’minlash, jumladan otaliqqa olingan maktablar masalasi yuzasidan Davlat test markazi tomonidan olib borilayotgan ishlar davom etmoqda.

Mazkur topshiriqni sifatli va muddatida bajarish bo‘yicha ishlab chiqilgan reja asosida 2020-yilning 26-fevral kuni Davlat test markazi direktori Olmazor tumanidan biriktirilgan 102-maktab-internatga tashrif buyurdi.

Navbatdagi tashrif davomida maktab rahbariyati bilan Davlat test markazi vakolati doirasida hamkorlik, xususan, bitiruvchi sinf o‘quvchilariga oliy ta’lim muassasalariga kirish test sinovlariga tayyorgarlik ko‘rish borasida yetarli shart-sharoit yaratish, ularga diagnostik test sinovi o‘tkazish orqali yordam ko‘rsatish, ular uchun Davlat test markaziga ochiq sayohat uyushtirish hamda “Vazir soati”dan samarali foydalanish, o‘quvchilarning bo‘sh vaqtini unumli tashkil etish va boshqa masalalar bo‘yicha suhbat bo‘lib o‘tdi.

Rejaga ko‘ra belgilangan muddatlarda tashriflar davom etadi.

Davlat test markazi matbuot xizmati