O‘zbekiston Respublikasi Prezidenti Sh.Mirziyoyev rahbarligida 2019-yil 23-avgustda yoshlarni vatanparvarlik ruhida tarbiyalash va jamiyatda o‘qituvchilarning mavqeini oshirish masalasiga bag‘ishlab o‘tkazilgan videoselektor yig‘ilishida berilgan vazifalar ijrosini ta’minlash maqsadida otaliqqa olingan maktablar bilan yaqin hamkorlik yo‘lga qo‘yildi.

Ishlab chiqilgan rejaga muvofiq joriy yil 21-fevral kuni Davlat test markazi direktorining matbuot kotibi, axborot siyosati bo‘yicha maslahatchisi O.Boboyev Sergeli tumanidan biriktirilgan 2-umumtalim maktabiga tashrif buyurdi.

Maktab rahbariyati bilan bo‘lgan suhbat davomida bitiruvchi sinf o‘quvchilarga oliy ta’lim muassasalariga kirish test sinovlariga tayyorgarlik ko‘rish borasida yetarli shart-sharoit yaratish, ularga diagnostik test sinovi o‘tkazish orqali yordam ko‘rsatish, ular uchun Davlat test markaziga ochiq sayohat uyushtirish hamda “Vazir soati”dan samarali foydalanishning shakl va usullari muhokama etildi.

Shuningdek, maktab kutubxonasiga test topshiriqlari to‘lamlari topshirildi.

Rejaga ko‘ra va belgilangan muddatlarda shu oy davomida yana uchta shunday maktablarda uchrashuvlar o‘tkaziladi.

Davlat test markazi matbuot xizmati