Ma’lumki, Davlat test markazi huzuridagi Ilmiy-o‘quv amaliy markazi tomonidan “Bilimlarni baholash testlarini ishlab chiqish nazariyasi va amaliyoti” bo‘yicha 36 soatga mo‘ljallangan malaka oshirish kurslari yo‘lga qo‘yilgan bo‘lib, muntazam tarzda har oy o‘tkazib kelinmoqda.

Navbatdagi malaka oshirish kursi universitetda fan o‘qituvchilari tomonidan tuziladigan nazorat testlarining sifatini oshirish maqsadida Buxoro davlat universitetida faoliyat yuritayotgan professor-o‘qituvchilar uchun tashkil etildi.

Unda har bir kafedradan bir nafardan, jami 38 nafar professor-o‘qituvchi ishtirok etib, bilimlarni baholash testlarini ishlab chiqish nazariyasi va amaliyoti bo‘yicha o‘z malakalarini oshirdilar va sertifikatga ega bo‘ldilar.

Ma’lumot uchun, malaka oshirish kursiga talabgorlarni ro‘yxatga olish my.dtm.uz sayti orqali amalga oshirilmoqda.

Davlat test markazi matbuot xizmati