Mámleketlik test orayı janındaǵı Ilimiy-oqıw hám ámeliy orayı tárepinen “Bilimlerdi bahalaw testlerin islep shıǵıw teoriyası hám ámeliyatı” boyınsha 36 saatlıq tájiriybe arttırıw kursları jolǵa qoyılǵan bolıp, turaqlı túrde hár ayda ótkerilip kelinbekte.

Náwbettegi tájiriybe arttırıw kursı joqarı bilimlendiriw mekemelerinde pán oqıtıwshıları tárepinen dúziletuǵın test tapsırmalarınıń sapasın arttırıw maqsetinde Ándijan mámleketlik universiteti hám Jizzax politexnika institutında islep atırǵan professor-oqıtıwshılar ushın shólkemlestirildi.

Tájiriybe arttırıw kursları 8-aprelden 14-aprelge shekem Zoom platforması arqalı ótkerildi.

Onda 22 professor-oqıtıwshı qatnasıp, bilimlerdi bahalaw testlerin islep shıǵıw teoriyası hám ámeliyatı boyınsha óz tájiriybelerin arttırdı hám sertifikatqa iye boldı.

Maǵlıwmat ushın, tájiriybe arttırıw kursına talabanlardı dizimge alıw my.dtm.uz saytı arqalı ámelge asırılmaqta.

Mámleketlik test orayı xabar xızmeti