Ma’lumki, Davlat test markazi huzuridagi Ilmiy-o‘quv amaliy markazi tomonidan “Bilimlarni baholash testlarini ishlab chiqish nazariyasi va amaliyoti” bo‘yicha 36 soatga mo‘ljallangan malaka oshirish kurslari yo‘lga qo‘yilgan bo‘lib, muntazam tarzda har oy o‘tkazib kelinmoqda.

Navbatdagi malaka oshirish kursi oliy ta’lim muassasalarida fan o‘qituvchilari tomonidan tuziladigan test topshiriqlarining sifatini oshirish maqsadida Andijon davlat universiteti va  Jizzax politexnika institutida faoliyat yuritayotgan professor-o‘qituvchilar uchun tashkil etildi.

Malaka oshirish kurslari 8-apreldan 14-aprelga qadar Zoom platformasi orqali o‘tkazildi.

Unda 22 nafar professor-o‘qituvchi ishtirok etib, bilimlarni baholash testlarini ishlab chiqish nazariyasi va amaliyoti bo‘yicha o‘z malakalarini oshirdilar va sertifikatga ega bo‘ldilar.

Ma’lumot uchun, malaka oshirish kursiga talabgorlarni ro‘yxatga olish my.dtm.uz sayti orqali amalga oshirilmoqda.

Davlat test markazi matbuot xizmati