Ma’lumki, Davlat test markazi huzuridagi Ilmiy-o‘quv amaliy markazi tomonidan “Bilimlarni baholash testlarini ishlab chiqish nazariyasi va amaliyoti” bo‘yicha 36 soatga mo‘ljallangan malaka oshirish kurslari yo‘lga qo‘yilgan bo‘lib, muntazam tarzda har oy o‘tkazib kelinmoqda.
Navbatdagi malaka oshirish kursi Guliston davlat universiteti va Toshkent kimyo-texnologiya instituti Yangiyer filialida faoliyat yuritayotgan professor-o‘qituvchilar uchun tashkil etildi.
Malaka oshirish kursi 27-maydan 2-iyunga qadar har kuni o‘tkazildi.
Unda 29 nafar talabgor ishtirok etib, malaka sertifikatiga ega bo‘ldilar.
Ma’lumot uchun, navbatdagi malaka oshirish kursiga talabgorlarni ro‘yxatga olish my.dtm.uz sayti orqali amalga oshirilmoqda.
Davlat test markazi matbuot xizmati
Imtiyozga ega abituriyentlar va umumiy qabul parametrlari doirasida o‘tish ballari