Davlat test markazi huzuridagi Ilmiy-o‘quv amaliy markazi tomonidan “Bilimlarni baholash testlarini ishlab chiqish nazariyasi va amaliyoti” bo‘yicha 36 soatga mo‘ljallangan, 2 haftalik malaka oshirish kurslarini (shartnoma asosida) yo‘lga qo‘yilgan bo‘lib, unda ishtirok etish istagini bildirgan talabgorlar https://my.dtm.uz orqali ro‘yxatdan o‘tishlari mumkinligi haqida xabar bergan edik.

2021-yil 15-fevralga qadar ro‘yxatdan o‘tgan talabgorlar uchun 18-fevral kunidan malaka oshirish kurslari boshlanadi.

Malaka oshirish kurslari 25-fevral kuniga qadar har kuni (24-fevraldan tashqari) 14:00 dan 17:00 gacha Davlat test markazida bo‘lib o‘tadi.

Malaka oshirish kurslari testologiya va pedagogik o‘lchovlar bo‘yicha ko‘p yillik tajribaga ega bo‘lgan mutaxassislar tomonidan olib boriladi.

Mashg‘ulotlarni olib boruvchi ma’ruzachilar bilan bu yerda tanishishingiz mumkin.

Ma’lumot uchun, malaka oshirish kurslari har oyda o‘tkaziladi va hozirda mart oyi uchun qabul davom etmoqda.

Malaka oshirish kurslarida ishtirok etish istagini bildirgan talabgorlar https://my.dtm.uz sayti orqali ro‘yxatdan o‘tishlari mumkin.

Davlat test markazi matbuot xizmati