Mart oyida bo‘lib o‘tadigan chet tilini bilish va egallash darajasini aniqlash test sinovlari uchun ro‘yxatdan o‘tish davom etmoqda.

Ro‘yxatga olish https://my.dtm.uz sayti (Davlat test markazining interaktiv xizmatlar portali) orqali amalga oshirilmoqda.

Ro‘yxatdan o‘tish vaqtida talabgorlar imtihon topshirish hududi sifatida Qoraqalpog‘iston Respublikasi, viloyatlar va Toshkent shahridan birini tanlab, o‘zlari tanlagan hududda test sinovlarida ishtirok etishlari mumkin.

Mart oyida o‘tkaziladigan chet tilini bilish va egallash darajasini aniqlash test sinovlari barcha (ingliz, nemis, fransuz, xitoy, yapon, koreys, turk, arab, fors, ispan, italyan, hindiy, pushtu) tillardan bo‘lib o‘tadi.

Test sinovlari yakunlari bo‘yicha eng yuqori ballning kamida 60 foizini to‘plagan shaxslar 2 yil muddatga amal qiluvchi sertifikatga ega bo‘ladi.

Tilni bilish darajasi B2 yoki undan yuqori bo‘lgan sertifikatga ega abituriyentlarga oliy ta’lim muassasalariga kirishda chet tili fanidan imtihonlarsiz belgilangan maksimal ball beriladi.

Ro‘yxatdan o‘tish bo‘yicha yo‘riqnoma bilan bu yerda tanishish mumkin.

Davlat test markazi matbuot xizmati