Xabar berilganidek, 2020-yil 14-iyul kuni soat 17:20 da O‘zbekiston Milliy matbuot markazida Davlat test markazi, Ichki ishlar vazirligi va Davlat personallashtirish markazining vakillari ishtirokida matbuot anjumani bo‘lib o‘tdi.

“Fuqarolik pasporti: 2020/2021-o‘quv yilida OTMlarga onlayn hujjat topshirish muammolari” mavzuida tashkil etilgan matbuot anjumani davomida jamoatchilik tomonidan @MARKAZ16Uz ga kelib tushgan dolzarb va muhim savollarga mutaxassislar javob berishdi.

  Tadbirda onlayn ro‘yxatdan o‘tishda yuzaga kelgan barcha muammolar bartaraf etilganligi bo‘yicha chuqur tushuntirishlar, shuningdek, bu kabi muammolarga to‘qnash kelinganda, IIV, DPM tomonidan e’lon qilingan telefon raqamlari, botlar orqali murojaat qilinishi, ular zudlik bilan hal etilishi bo‘yicha maslahatlar berildi.

Davlat test markazi matbuot xizmati