O‘zbekiston Respublikasi Prezidenti Sh.Mirziyoyev rahbarligida joriy yil 31-yanvar kuni ilm-fanni rivojlantirishga bag‘ishlab o‘tkazilgan yig‘ilish davomida berilgan ko‘rsatmalar ijrosini ta’minlash yuzasidan Davlat test markazida keng qamrovli ishlar olib borilmoqda.

2020-yil 10-fevral kuni Matematika fanidan Milliy sertifikat berish tizimi strukturasi va mazmuni muhokamasiga bag‘ishlangan yig‘ilish o‘tkazildi.

Mutaxassislar ishtirokida o‘tgan mazkur yig‘ilishda amalga oshirilayotgan ishlarning dastlabki natijalari taqdim qilindi. Rivojlangan mamlakatlarning SAT Level 1, SAT Level 2, AСT, YeGE va boshqalar tajribalarini o‘rganish asosida milliy imtihon strukturasi, test topshiriqlari turlari, tanlov foizi taqsimoti, baholash mezonlari to‘g‘risidagi ma’lumotlar yig‘ilish qatnashchilariga yetkazildi.

Yig‘ilish qizg‘in bahs va munozaralarga boy o‘tdi.

Davlat test markazi matbuot xizmati