2021-jıl 7-may kúni Buxara wálayatında ulıwma orta bilimlendiriw mektepleri, akademiyalıq liceyler hám de kásip-óner mektepleriniń oqıwshıları arasında Pán olimpiadasınıń IV (respublika) basqıshı sheńberinde test sınaǵı bólimi ótkerildi.

Onda matematika, ximiya hám biologiya pánlerinen  101 talaban qatnasıp, jeńimpazlıq ushın gúres alıp bardı.

Talabanlarǵa 30 test tapsırması hám test tapsırmaların orınlaw ushın 1 saat 30 minut waqıt ajıratıldı.

Test tapsırmaları 20 jabıq hám 10 ashıq testlerden ibarat bolıp, jabıq testlerdiń hárbirine 1,5 baldan, ashıq testlerge bolsa 2 baldan beriledi. Ulıwma toplaw múmkin bolǵan ball 50 baldı quraydı.

Qalǵan ulıwma bilimlendiriw pánlerinen Pán olimpiadasınıń IV (respublika) basqıshı may ayınıń juwmaǵına shekem Nawayı, Namangan hám Samarqand wálayatlarında hám de Tashkent qalasında ótkeriledi.

Maǵlıwmat ushın, tiykarǵı Pán olimpiadalarınıń respublika basqıshında 1, 2, 3-orındı iyelegen qatnasıwshılarǵa qánigelik páni boyınsha joqarı bilimlendiriw mákemelerine kiriw imtixanlarında maksimal ball beriledi.

Mámleketlik test orayı xabar xızmeti