2023-yil 12-iyul kuni Huquqni muhofaza qilish akademiyasi bakalavriatining “Tergov faoliyati” yo‘nalishiga o‘qishga kirish uchun maxsus psixologik tanlov hamda yozma imtihon (diktant) o‘tkazildi.
Imtihonlar Qoraqalpog‘iston Respublikasi, viloyatlar va Toshkent shahrida tashkil etildi va unda 2,9 ming nafarga yaqin talabgor ishtirok etdi.
Maxsus psixologik tanlovda talabgorlarga 50 ta test topshirig‘i va ularni ishlash uchun 40 daqiqa vaqt berildi.
Yozma imtihon esa 160 - 170 ta so‘zdan iborat audiomatn asosida diktant shaklida o‘tkazildi.
Maxsus psixologik tanlovda ham, yozma imtihonda ham maksimal ball 100 ballni tashkil etadi.
Maxsus psixologik tanlov hamda yozma imtihonda ishtirok etgan talabgorlar uchun test sinovlari avgust oyida o‘tkaziladi.
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat