2020-jıl 7-fevral kúni Mámleketlik test orayında Ana tili (ózbek, rus hám qaraqalpaq) hám ádebiyat páninen Milliy sertifikat beriw sistemasınıń strukturası hám mazmunı boyınsha seminar ótkerildi.
Onda Mámleketlik test orayı, Respublika bilimlendiriw orayı, Ilimler Akademiyası, Tashkent mámleketlik ózbek tili hám ádebiyatı universiteti, Ózbekstan Milliy universiteti, Tashkent mámleketlik pedagogikalıq universiteti, Ózbekstan jurnalistika hám ǵalaba kommunikaciyalar universiteti hám Ózbekstan mámleketlik jáhán tilleri universiteti qánigeleri qatnastı.
Seminarda Mámleketlik test orayı qánigeleri tárepinen AQSHtıń SAT, Ullı Britaniyanıń GCSE hám Rossiya Federaciyasınıń EGE imtixan sistemaları úyrenilip, Mámleketlik bilimlendiriw standartı talaplarına tiykarlanıp islep shıǵılǵan ana tili (ózbek, rus hám qaraqalpaq) hám ádebiyat páninen Milliy sertifikat beriw imtixanı sistemasınıń strukturası hám mazmunı boyınsha pikir alısıldı.
Onda dáslep, Mámleketlik test orayı qánigeleri tárepinen ana tili (ózbek, rus hám qaraqalpaq) hám ádebiyat páninen Milliy sertifikat beriw imtixanı sistemasınıń strukturası hám mazmunı boyınsha tayarlanǵan prezentaciyası boldı, soń ilimiy tiykarlar keltirildi. Sonıń menen birge, imtixan sistemasınıń strukturası hám mazmunı boyınsha pikir talqılawlar, alısıwlar bolıp, seminar qatnasıwshılarınıń pikir hám usınısları tıńlandı.
Seminar qızǵın báseki tárizinde bolıp ótti.
Mámleketlik test orayı xabar xızmeti
