Kino jaslardı tárbiyalawda jetekshi orınlardan biri bolıp kelmekte. Ol ádebiyat, madeniyat, ruwxıylıq, kórkem ónerdiń bir pútinligin quraydı.

2021-jıl 7-dekabr kúni Ilhom Sodiqov (rejissyor hám aktyor), Abdumannon Ubaydullayev (kinoaktyor), Jahongir Ahmedov (kinorejissyor), Dilorom Karimova (Ózbekstan xalıq artisti, kinoaktrisa) hám Anvar Qurbonov (kinoaktyor) sıyaqlı miliy kino sanaatınıń jetik wákilleri menen Mámleketlik test orayı xızmetkerleri qatnasında dóretiwshilik ushırasıw bolıp ótti.

Ilajda sóz alǵan D.Karimova kino kórkem óneriniń sońǵı jıllardaǵı jetiskenlikleri, unamlı ózgerisler, “Ilhaq” filminiń kewillerden orın alıwınıń tiykarǵı sebepleri, film arqalı ózbek xalqınıń front hám front artındaǵı qaharmanlıqları, Minsk qalasında ótkerilgen xalıq aralıq kinofestivaldaǵı granprige miyasar bolǵanlıǵı haqqında maǵlıwmat berdi. J.Ahmedov hám I.Sodiqov kino sanaatındaǵı mashqala hám kemshilikler, olardı saplastırıw shártleri, “Ilhaq” filmin súwretke alıw tariyxı, film arqalı sáwlelendirilgen batırlıq, mártlik pazıyletlerin tolqınlanıp aytıp berdi. Óz náwbetinde kinoaktyor A.Ubaydullayev “Watan” kórkem filmi haqqında aytıp ótti. Sonday-aq, A.Qurbonov kelgen dóretiwshiler tek kino emes, balki, bilim-tárbiya tarawınıń da wákilleri ekenligin atap ótti.

Ilaj dawamında Mámleketlik test orayı xızmetkerleri tárepinen berilgen barlıq sorawlarǵa qánigeler tárepinen tolıq juwap berildi.

Dóretiwshilik ushırasıw táreplerdiń bir-birlerin erteńgi bayram menen qutlıqlaw hám jaqsı tilekler menen juwmaqlandı.

Mámleketlik test orayı xabar xızmeti