Ma’lumki, ayni kunlarda respublikamizning barcha hududlarida, mahallalarda, vazirlik va idoralarda, mulkchilik shaklidan qat’i nazar korxona, tashkilotlarda “Xon atlas” haftaligi o‘tkazilmoqda.

Mazkur haftalik doirasida Bilimni baholash agentligida ham xalqimizning asrlik o‘tmish madaniyatini, urf-odat va an’analarini, didi, estetik qarashlarini o‘zida aks ettirgan milliy matolari atlas va adras ayol xodimlar tomonidan targ‘ib qilindi.

Darhaqiqat, atlas, adras, banoras, beqasam va shoyi kabi milliy matolardan tikilgan liboslar xotin-qizlarimizning husniga husn, ko‘rkiga ko‘rk qo‘shadi. Qolaversa, bu liboslar xalqimiz, ayniqsa, qizlarimizda milliy qadriyatlarga, milliy liboslarimizga bo‘lgan hurmat tuyg‘ularini yanada yuksaltiradi.