2021-jıl 13, 14-aprel kúnleri dáslepki ret ana tili hám ádebiyat (ózbek tili hám ádebiyatı, rus tili hám ádebiyatı, qaraqalpaq tili hám ádebiyatı) hám de matematika pánlerinen milliy sertifikatlastırıw imtixanları ótkerilgen edi.

Bul imtixan nátiyjeleri Mámleketlik test orayınıń rásmiy veb-saytında járiyalandı.

Test sınaqlarında qatnasqan talabanlar óz nátiyjeleri menen my.dtm.uz saytı arqalı jeke kabinetinde tanısıwı múmkin.

Test sınaǵı nátiyjesi boyınsha eń joqarı baldıń keminde 60 payızın toplaǵan shaxslarǵa 3 jıl múddetke sertifikat beriledi.

Test sınaǵınan tabıslı ótken talabanlar óz sertifikatların jeke kabinetleri arqalı elektron túrde júklep alıwı múmkin.

Bul sertifikatqa iye bolǵan abiturientlerge sertifikattaǵı ózlestiriw payızına sáykes ráwishte joqarı bilimlendiriw mekemelerine kiriw test sınaqlarında usı pánnen belgilengen maksimal balǵa salıstırmalı proporcional ball beriledi.

Mámleketlik test orayı xabar xızmeti