Mámleketlik test orayı janındaǵı Ilimiy-oqıw ámeliy orayı tárepinen bir qatar qánigelik asırıw kursları jolǵa qoyılǵan bolıp, kurslar turaqlı túrde ótkerilip kelinbekte.

Olardan biri «Milliy sertifikat ushın test tapsırmaların dúziw» boyınsha 36 saatqa mólsherlengen qánigelik asırıw kursı bolıp, náwbettegi kurs 25-oktyabr kúninen baslanadı.

Onda tıńlawshılarǵa ana tili hám ádebiyat (ózbek tili hám ádebiyat, rus tili hám ádebiyat, qaraqalpaq tili hám ádebiyat) pánlerin biliw dárejesin bahalawdıń milliy test sisteması ushın test tapsırmaların dúziw boyınsha teoriyalıq hám ámeliy shınıǵıwlar ótkeriledi.

Qánigelik asırıw kursı Mámleketlik test orayı hám Mámleketlik test orayı janındaǵı Ilimiy-oqıw ámeliy orayınıń tájiriybeli qánigeleri tárepinen ózbek tilinde alıp barıladı.

Qánigelik asırıw kursında qatnasıwdı qálewshi talabanlar 22-oktyabr kúnine shekem my.dtm.uz saytı arqalı onlayn dizimnen ótip, belgilengen tólemdi ámelge asırǵan halda qatnasıwı múmkin.

Múrájat ushın telefon: (95) 515-68-68.

Mámleketlik test orayınıń málimleme xızmeti