“Milliy sertifikat uchun test topshiriqlarini shakllantirish” bo‘yicha navbatdagi malaka oshirish kurslari uchun talabgorlarni ro‘yxatga olish boshlandi.

Malaka oshirish kurslari 36 soatga mo‘ljallangan bo‘lib, quyidagi sanalarda o‘tkaziladi:

• 16-21-may kunlari – rus tili va adabiyoti fanidan Zoom platformasida onlayn tarzda;
• 20-22-may kunlari – o‘zbek tili va adabiyoti fanidan Urganch shahrida oflayn tarzda.

Unda tinglovchilarga ona (o‘zbek, rus) tili va adabiyot fanidan milliy sertifikat uchun test topshiriqlarini shakllantirish bo‘yicha nazariy va amaliy mashg‘ulotlar o‘tkaziladi.

Malaka oshirish kurslari Davlat test markazi va Davlat test markazi huzuridagi Ilmiy-o‘quv amaliy markazining malakali mutaxassislari tomonidan olib boriladi.

Malaka oshirish kurslarida ishtirok etish istagini bildirgan talabgorlar 16-may kuniga qadar my.dtm.uz sayti orqali onlayn ro‘yxatdan o‘tib, to‘lovni (405 000 so‘m) amalga oshirgan holda kurslarda ishtirok etishlari mumkin.

Murojaat uchun telefon: (95) 507-70-72.

Davlat test markazi axborot xizmati