Davlat test markazi huzuridagi Ilmiy-o‘quv amaliy markazi tomonidan bir qator malaka oshirish kurslari yo‘lga qo‘yilmoqda va doimiy tarzda o‘tkazib kelinmoqda.

Navbatdagi malaka oshirish kursi “Milliy sertifikat uchun test topshiriqlarini shakllantirish” bo‘yicha yo‘lga qo‘yilib, 2021-yil 5-may kuni ilk darslar boshlandi.

Unda ishtirok etgan tinglovchilar ona tili va adabiyot (o‘zbek tili va adabiyoti, rus tili va adabiyoti, qoraqalpoq tili va adabiyoti) fanlarini bilish darajasini baholash milliy test tizimi uchun test topshiriqlarini shakllantirish bo‘yicha nazariy va amaliy bilimlarga ega bo‘ldilar.

Malaka oshirish kursi 11-may kuni yakunlandi va kursning ilk tinglovchilariga malaka sertifikatlari topshirildi.

Malaka oshirish kursida ishtirok etish istagini bildirgan talabgorlar my.dtm.uz sayti orqali ro‘yxatdan o‘tib, navbatdagi malaka oshirish kursida ishtirok etishlari mumkin.

Davlat test markazi matbuot xizmati