“Milliy sertifikat uchun test topshiriqlarini shakllantirish” bo‘yicha navbatdagi malaka oshirish kursi sanalari belgilandi.

Unga ko‘ra malaka oshirish kursi (36 soatga mo‘ljallangan) 17-18-19-dekabr kunlari Navoiy viloyatida tashkil etiladi.

Unda tinglovchilarga o‘zbek tili va adabiyoti fanlarini bilish darajasini baholash milliy test tizimi uchun test topshiriqlarini shakllantirish bo‘yicha nazariy va amaliy mashg‘ulotlar o‘tkaziladi.

Malaka oshirish kurslari Davlat test markazi va Davlat test markazi huzuridagi Ilmiy-o‘quv amaliy markazining malakali mutaxassislari tomonidan o‘zbek tilida olib boriladi.

Malaka oshirish kurslarida ishtirok etish istagini bildirgan talabgorlar 15-dekabrga qadar my.dtm.uz sayti orqali onlayn ro‘yxatdan o‘tib, to‘lovni amalga oshirgan holda kurslarda ishtirok etishlari mumkin.

Murojaat uchun telefon: (95) 515-68-68.

Davlat test markazi matbuot xizmati