Mámleketlik test orayı janındaǵı Ilimiy-oqıw hám ámeliy orayı tárepinen “Milliy sertifikat ushın test tapsırmaların qáliplestiriw” boyınsha 36 saatlıq tájiriybe arttırıw kursı (shártnama tiykarında) jolǵa qoyıldı.

Onda tıńlawshılarǵa ana tili hám ádebiyat (ózbek tili hám ádebiyat, rus tili hám ádebiyat, qaraqalpaq tili hám ádebiyat) pánlerin biliw dárejesin bahalaw milliy test sisteması ushın test tapsırmaların qáliplestiriw boyınsha teoriyalıq hám ámeliy shınıǵıwlar ótkeriledi.

Tájiriybe arttırıw kursı Mámleketlik test orayı hám Mámleketlik test orayı janındaǵı Ilimiy-oqıw hám ámeliy orayınıń tájiriybeli qánigeleri tárepinen ózbek tilinde alıp barıladı.

Tájiriybe arttırıw kursında qatnasıwdı qálewshi talabanlar 30-aprel kúnine shekem my.dtm.uz saytı arqalı dizimnen ótip, tólemdi ámelge asırıwı múmkin.

Tájiriybe arttırıw kursı usı jıldıń 3-may kúninen baslanadı hám Zoom platforması arqalı ótkeriledi.

Múrájat ushın telefon: (95) 515-68-68.

Mámleketlik test orayı xabar xızmeti