2020-jıl 1-dekabr kúni milliy test sisteması ushın talabanlardı onlayn dizimge alıw baslanǵan bolıp, 20-dekabrge shekem dawam etiwi belgilengen edi.

Puqaralardıń múrájatlarına tiykarlanıp, dizimge alıw 31-dekabrge shekem uzayttırıldı.

Dizimge alıw my.dtm.uz saytı arqalı ana tili hám ádebiyat (ózbek tili hám ádebiyat, rus tili hám ádebiyat, qaraqalpaq tili hám ádebiyat) hám de matematika pánleri boyınsha ámelge asırılmaqta.

Test sınawınıń nátiyjesi boyınsha eń joqarı baldıń keminde 60 payızın toplaǵan shaxslarǵa 3 jıl múddetke sertifikat beriledi.

Bul sertifikatqa iye bolǵan abiturientlerge sertifikattaǵı ózlestiriw payızına sáykes tárizde joqarı bilimlendiriw mekemesine kiriw test  sınawlarında usı pánnen belgilengen maksimal balǵa proporcional ball beriledi.

Mámleketlik test orayı xabar xızmeti