Respublika bo‘yicha 2019 yilda muddatli harbiy xizmatga chaqiriluvchi fuqarolar uchun test sinovlari davom etmoqda. Ular O‘zbekiston Respublikasi Prezidentining 2006 yil 14 yanvardagi PQ–257son Qarori bilan tasdiqlangan O‘zbekiston Respublikasi fuqarolari tomonidan harbiy xizmatni o‘tash tartibi to‘g‘risidagi Nizom hamda Vazirlar Mahkamasining 2009 yil 14 yanvardagi 10-son qaroriga muvofiq muddatli harbiy xizmatga chaqirilayotgan fuqarolar o‘rtasida tanlov tarzida o‘tmoqda.

Test sinovlarining birinchi haftasida (5-9 noyabr) respublikamiz bo‘yicha jami 13540 nafar chaqiriluvchi test sinoviga kirishi rejalashtirilgan bo‘lib, ularning 12183 nafari ishtirok etdi, 1357 nafari qatnashmadi.

Respublikamizning barcha hududlarida o‘tkazilayotgan tadbirlarda Davlat test markazining hududiy bo‘linmalari va markaziy boshqaruv apparati xodimlari, Mudofaa vazirligining joylardagi boshqarma va bo‘linmalari, Xalq ta'limi vazirligining hududiy boshqarmalari vakillari jalb etilgan.

Test materiallari belgilangan muddatlarda joylarga yetkazilmoqda va Davlat test markaziga olib kelinmoqda. Shuningdek, natijalar kunlik hajmda hisoblanib, manfaatdor vazirlik vakillariga taqdim etib  borilmoqda. 
Barcha test topshiruvchilarga omad tilaymiz

Axborot xizmati