O‘zbekiston Respublikasi Vazirlar Mahkamasi huzuridagi Davlat test markazi bilan o‘zaro hamkorlikda maktab-internat o‘quvchilarining olgan bilimlarini aniqlash, mavjud bo‘shliqlarni to‘ldirish va mustahkamlashga qaratilgan ishlarni takomillashtirish, shuningdek, oliy o‘quv yurtlariga kirish imtihonlariga tayyorgarlik ko‘rish ko‘nikmalarini shakllantirish maqsadida namunaviy kirish test sinovlarini o‘tkazish boshlandi.

Namunaviy kirish test sinovlari ilk bora 2020-yil 5-mart kuni Abu Ali ibn Sino nomidagi yosh biologlar va kimyogarlar ixtisoslashtirilgan maktab-internatida tashkil etildi.

Shu kuni soat 09.00 - 12.30 gacha davom etgan mazkur jarayonda test sinovlari 2 ta asosiy fandan (kimyo va biologiya) va 3 ta majburiy fanlar (ona tili, matematika, O‘zbekiston tarixi)dan o‘tkazildi.

Test sinovlarining dasturiy-texnik ta’minoti bo‘limi mas’ulligida o‘tkazilgan test sinovlarida shaffoflik va adolatlilik ta’minlanishida zarur bo‘lgan shart-sharoitlar yaratildi. Shuningdek, ushbu jarayon facebook kanali orqali to‘g‘ridan-to‘g‘ri yoritib borildi.

Davlat test markazi matbuot xizmati