Bugun, 16-noyabr kuni soat 15:00 da AOKA binosida “2020-2021-o‘quv yilida kollej va texnikumlarga hujjat topshirgan abituriyentlar uchun saralash imtihonlari qanday tashkil etiladi?” mavzuida matbuot anjumani o‘tkaziladi.

Unda kollej va texnikumlarga qabul, abituriyentlar uchun saralash imtihonlarini tashkil etish va boshqa muhim masalalarga oydinlik kiritiladi.

Matbuot anjumanida Oliy va o‘rta maxsus ta’lim vazirligi, Davlat test markazi, kollej va texnikumlar vakillari ishtirok etadilar. 

OAV xodimlari va blogerlarni matbuot anjumaniga taklif etamiz. Ular tadbir davomida qiziqtirgan barcha savollariga javob olishlari mumkin.

Tadbir “UzReport TV” va “O‘zbekiston 24” telekanallari orqali onlayn namoyish etiladi.

Davlat test markazi matbuot xizmati