2020-yil 14-fevral kuni Davlat test markazida she’riyat mulkining sultoni Alisher Navoiy tavalludining 579 yilligi hamda shoh va ulug‘ shoir Zahiriddin Muhammad Bobur tavalludining 537 yilligi munosabati bilan adabiy uchrashuv tashkil etildi.

Ulug‘ bobokalonlarimizning xalqaro va milliy adabiy hayotida tutgan o‘rni, o‘zbek tilining rivojiga qo‘shgan hissalari yod etilgan ushbu tadbirda Sirojiddin Rauf va Dilshod Rajab kabi adiblarimiz hamda Davlat test markazi xodimlari ishtirok etdilar. Uchrashuvda nafaqat o‘z zamonasi, balki kelajakka muallimlik, ustozlik qilgan buyuk va zabardast bobolarimizning ijodidan namunalar o‘qildi va ularning hayotlariga oid qiziqarli, ulkan tarixiy ahamiyatga ega voqeliklar esga olindi. Bu bilan jahon siyosiy hayoti va adabiyotida o‘chmas iz qoldirgan bobolarimizning bebaho ijod meroslaridan bahramand bo‘lindi.

Adabiy uchrashuv barcha ishtirokchilar uchun ajoyib va iliq muhitda hamda taassurotlarga, qiziqarli savol-javoblarga boy o‘tdi.

Davlat test markazi matbuot xizmati